(បន្ទាយមានជ័យ) : ដើម្បីសម្រួលដល់ការទទួលបានវ៉ាក់សាំងដូសទី២ សម្រាប់ពលរដ្ឋដែលជាប់បម្រាមមិនអនុញ្ញាតឲ្យធ្វើដំណើរទៅទីតាំងដើមវិញ កំពុងស្នាក់នៅក្នុងខេត្តបន្ទាយមានជ័យនោះ មន្ទីរសុខាភិបាលខេត្ត នឹងផ្តល់ការចាក់វ៉ាក់សាំងSINOVAC ថ្នាំបង្ការជំងឺកូវីដ-១៩ ជូនសម្រាប់ដូសទី២ ចាប់ពីថ្ងៃទី២០ ខែមេសា ឆ្នាំ២០២១តទៅនៅតាមមន្ទីរពេទ្យខេត្ត ក្រុង-ស្រុក នៃខេត្តបន្ទាយមានជ័យ នៅជិតកន្លែងលោក លោកស្រីស្នាក់នៅ ដើម្បីឲ្យទាន់ពេលវេលាកំណត់ក្រោយពីការចាក់ដូសលើកទី១ តាមកាលបរិច្ឆេទណាត់លើកទី២ របស់គ្រូពេទ្យ (បណ្ណចាក់វ៉ាក់សាំង )។

នេះបើតាមសេចក្តីជូនដំណឹងរបស់រដ្ឋបាលខេត្តបន្ទាយមានជ័យ នៅថ្ងៃទី១៩ ខែមេសា ឆ្នាំ២០២១ សម្រាប់ប្រជាពលរដ្ឋដែលរស់នៅទីតាំងក្រៅពីខេត្តបន្ទាយមានជ័យ ហើយជាប់ការហាមឃាត់ការធ្វើដំណើរពីខេត្តមួយទៅខេត្តមួយក្នុងគោលបំណងទប់ស្កាត់ការរីករាលដាលជំងឺកូវីដ-១៩៕